ការបើកចំហចំពោះការអប់រំ
“ការបើកចំហ” មានន័យថាគ្រប់មហាវិទ្យាល័យទាំងអស់ផ្តល់នូវការសិក្សាអប់រំ ព្រមទាំងសេវានានាដល់សិស្សគ្រប់កម្រិត។
ការធ្វើតេស្ដស្ទង់សមត្ថភាព នឹងជួយអ្នកក្នុងការជ្រើសរើសយកវគ្គសិក្សាមួយដែលអ្នកអាចចូលរៀនបាន។ អ្នកប្រហែលជាបានត្រៀមខ្លួនរួចរាល់ហើយ ដើម្បីសិក្សាគណិតវិទ្យាថ្នាក់មូលដ្ឋាន។ អ្នកប្រហែលជាបានត្រៀមខ្លួនរួចរាល់ហើយ ដើម្បីសិក្សាគណិតវិទ្យាជាន់ខ្ពស់ (Calculus)។ យើងទទួលយកអ្នកក្នុងកម្រិតរបស់អ្នកបច្ចុប្បន្ន ហើយជួយអ្នកដើម្បីសម្រេចបានគោលដៅ។
ស្វែងរកមហាវិទ្យាល័យ
សូមប្រើប្រាស់ឧបករណ៍ស្វែងរកមហាវិទ្យាល័យរបស់យើងខ្ញុំដើម្បីស្វែងរកមហាវិទ្យាល័យដែលនៅជិតអ្នក។ អ្នកអាចស្វែងរកមហាវិទ្យាល័យទៅតាមទីតាំង, ទំហំ និងកម្មវិធីសិក្សាដែលមហាវិទ្យាល័យនោះផ្តល់ឲ្យ។
សូមធ្វើទៅតាមជំហានក្នុងការចុះឈ្មោះចូលរៀនក្នុងមហាវិទ្យាល័យដែលអ្នកជ្រើសរើស។ កម្មវិធីសិក្សាមួយចំនួនមានដូចជា៖ ផ្នែកសុខភាពធ្មេញជាដើម មានតម្រូវការជាក់លាក់សម្រាប់ការចុះឈ្មោះ និង/ឬ ត្រូវចុះឈ្មោះរង់ចាំ។ ទន្ទឹមគ្នានេះ ដែរ សិស្សមួយចំនួនដែលនៅក្នុងកម្មវិធីចាប់ផ្ដើមដោយលឿនរហ័ស (Running Start) ឬសិស្សអន្តរជាតិដែលប្រើទិដ្ឋាការសិស្ស គឺគេតម្រូវឲ្យបំពេញពាក្យមួយចំនួនដាច់ដោយឡែក។
ចំពោះសិស្ស I-BEST៖ ESL រួមបញ្ចូលនិងវគ្គបណ្តុះបណ្តាលសម្រាប់រកការងារ។
មហាវិទ្យាល័យមួយចំនួនមានផ្តល់កម្មវិធីមួយមានឈ្មោះថា I-BEST (Integrated Basic Education and Skills Training) - ការអប់រំថ្នាក់មូលដ្ឋាន និងការបណ្តុះបណ្តាលជំនាញការ )
។ កម្មវិធីនេះត្រូវបានដាក់បញ្ចូលជាមួយការសិក្សាភាសាអង់គ្លេសជាភាសាទីពីរ (ESL) ជាមួយនឹងការបណ្តុះបណ្តាលការងារ។ សិស្សនឹងត្រូវសិក្សាភាសាអង់គ្លេស និងជំនាញការងារនៅក្នុងពេលតែមួយ។ ចំពោះកម្មវិធីសិក្សា I-BEST
វិញគេក៏ប្រហែលជាអាចធ្វើឲ្យដូចគ្នាទៅនឹងកម្មវិធីសិក្សាថ្នាក់មូលដ្ឋានសម្រាប់សិស្សពេញវ័យ (ABE) ព្រមទាំងបណ្ដុះបណ្ដាលជំនាញការងារផងដែរ។
កម្មវិធីសិក្សា I-BEST មានលក្ខណៈផ្ទុយទៅនឹងគំនិតចាស់គំរិលមួយដែលថា សិស្សត្រូវតែបញ្ចប់ការអប់រំ និងភាសាអង់គ្លេសនៅថ្នាក់មូលដ្ឋានជាមុនសិន មុននឹងគេបានការអនុញ្ញតឲ្យសិក្សាជំនាញការងារ។ សូមសាកសួរព័ត៌មានអំពីកម្មវិធីសិក្សា I-BEST នៅ មហាវិទ្យាល័យនៅតាមតំបន់របស់អ្នក។
ការបង់ថ្លៃសាលា
មហាវិទ្យាល័យសហគមន៍ និងបច្ចេកវិទ្យាអាចជួយរិះរកវិធីឲ្យសិស្សទាំងឡាយណាដែលមានសិទ្ធិរៀន បានទទួលនូវឱកាសបង់ប្រាក់ចូលសិក្សានៅមហាវិទ្យាល័យ។ ស្នើសុំនិយាយជាមួយនឹងបុគ្គលិកណាម្នាក់ដែលទទួលខុសត្រូវលើសេវាផ្សេងៗពាក់ព័ន្ធជាមួយនឹងសិស្ស។
ជំនួយផ្នែកហិរញ្ញវត្ថុ
រដ្ឋាភិបាលមានកម្មវិធីជាច្រើនដើម្បីជួយដល់សិស្សក្នុងការបង់ថ្លៃមហាវិទ្យាល័យ។ កម្មវិធីទាំងនោះរួមមានជំនួយផ្នែកហិរញ្ញវត្ថុ ដោយរួមទាំងជំនួយរដ្ឋ និងជំនួយសហព័ន្ធ កម្មវិធីរៀនធ្វើការងារ និងប្រាក់កម្ចីផ្សេងៗ។ ថ្លៃទម្រង់បែបបទមិនគិតថ្លៃ ដើម្បីសុំជំនួយពីសហព័ន្ធសម្រាប់សិស្ស (FAFSA) អាចរកបាននៅការិយាល័យជំនួយផ្នែកហិរញ្ញវត្ថុ និងតាមរយៈអ៊ីនធើរណិត។
កម្មវិធី និងថវិកាពិសេស
អ្នកប្រហែលជាអាចមានលក្ខណៈសម្បត្តិគ្រប់គ្រាន់ដើម្បីទទួលយកបាននូវជំនួយ និងសេវាជាក់លាក់ណាមួយដោយផ្អែកលើការងារ និងស្ថានភាពគ្រួសាររបស់អ្នក។
បច្ចុប្បន្នកំពុងរស់នៅដាច់ដោយឡែកពីគ្នា, ថ្មីៗនេះបានលែងលះគ្នា
អ្នកប្រហែលជាអាចមានសិទ្ធិទទួលបាននូវសេវាផ្លាស់ទីលំនៅ និងការឧបត្ថម្ភនានា។
ជំនួយឧបត្ថម្ភការសិក្សាសម្រាប់មាតាបិតាដែលមានការងារធ្វើ
មហាវិទ្យាល័យមួយចំនួនបានផ្តល់នូវប្រាក់ឧបត្ថម្ភឲ្យទៅមាតាបិតាសិស្សទាំងឡាយណាដែលមានការងារ និងមានប្រាក់ចំណូលទាប។ ដើម្បីមានសិទ្ធិទទួល មាតាបិតាទាំងអស់ត្រូវមានបុត្រអាយុក្រោម 18 ឆ្នាំ ហើយបានចុះឈ្មោះចូលរៀនជំនាញថ្នាក់មូលដ្ឋាន ឬកម្មវិធីបណ្តុះបណ្តាលការងារ។
ការជួយចេញថ្លៃសិក្សាពីនិយោជក
ន
ិយោជកមួយចំនួនបានជួយចេញថ្លៃសិក្សានៅមហាវិទ្យាល័យដល់និយោជិតរបស់ខ្លួន។ សូមសាកសួរព័ត៌មាននៅផ្នែកធនធានមនុស្ស ឬផ្នែកផ្ដល់ការឧបត្ដម្ភរបស់អ្នក។
កម្មវិធីបណ្តុះបណ្តាលនិយោជិតឡើងវិញ
តើអ្នកកំពុងទទួលបាននូវការឧបត្ដម្ភដោយសារការគ្មានការងារធ្វើទេ? តើការឧបត្ដម្ភភាពគ្មានការងារធ្វើរបស់អ្នកបានផុតកំណត់ក្នុងរយៈពេល 24 ខែចុងក្រោយនេះទេ? តើអ្នកកំពុងតែជួបប្រទះការបញ្ចប់កិច្ចសន្យាការងារ ឬកំពុងតែធ្វើការងារនៅក្នុងឧស្សាហកម្មដែលមានការចុះឱនថយឬទេ? អ្នកអាចមានលក្ខណៈសម្បត្តិគ្រប់គ្រាន់ដើម្បីទទួលបានកម្មវិធីបណ្តុះបណ្តាលនិយោជិតសារឡើងវិញ។ កម្មវិធីបណ្តុះបណ្តាលនិយោជិតសារឡើងវិញអាចជួយអ្នកក្នុងការបង់ថ្លៃសាលា និងជួយឧបត្ថម្ភសិស្សទាំងឡាយណាដែលមានលក្ខណៈសម្បត្តិគ្រប់គ្រាន់ក្នុងការទទួលយកនូវជំនាញការដើម្បីត្រឡប់ទៅធ្វើការដូចធម្មតាវិញ។